لما وصلوا للكراسي حقة الشلة..
ريماس: فاتتكم صورة تركي خطيييييييرة انا كنت بسوي مثله بس تركي قالي انا شلون اعيش اذا صار لك شي.. ما راح اسامح نفسي.. (وقعدت تضحك)..
وليد: تركي شفيك منقلب لونك ترا ما صار لها شي يعني عيش.. هههههههههه
كلهم ضحكوا: هههههههه من جد شفيه؟؟
تركي كان قاعد ساكت وسرحاااان ومو منتبه لهم..
يزيد يصارخ ويحرك يده: تركي!!!!!!!!!!
تركي توه ينتبه: هلااااااااا؟؟ شفيكم؟؟
ضحكوا عليه: لا ولا شي .. اللي ماخذ عقلك يتهنى.. هههههههههه
تركي" جعله يتهنى انشالله!! " وضحك وهو ماله خلق مجاملة..
ريماس:شوفوا.. شوفوا الصورة.. (وتعطيهم الكاميرا..)
وليد: أسمع الصراخ أولى طلع أنت!! ههههههههه بس الصورة من جد خطييييييرة!!
شهد:أشوف (عطاها وليد الكاميرا) اوم الكوشخة!! حمااااااااس ريمي أمشي نروح نسويها!!
ريماس: يلاااااا..
تركي بنبرة حادة: ريماااااس!! يا ويلك!!
كلهم استغربوا.. الا ريماس قعدت تضحك: ههههههههه شفتوا..
وليد: أي والله..
شهد: تصدقين..
تركي: شنو؟؟
وليد: لا ولا شي سلامتك..
تركي عطاه نظرة وضحك..
و كملوا سوالف وبعد ربع ساعه اقترحت عليهم شهد يروحون الملاهي المكشوفة وكانت مرة كبيرة.. ووافقوا..
وانقسموا على سيارتين سيارة تركي وسيارة وليد..
سيارة تركي فيها ( يزيد, جوري, ريماس )
سيارة وليد فيها ( سيف, شهد, كادي )
في سيارة تركي..
جوري طول اليوم ساكته وسرحانة ومو وياهم..
ريماس: يزوووود طول على الراديو..
يزيد: يزووود بعينك أصغر عيالك أنا, قولي عمي يزيد..
ريماس: روح زين, أصغر مني مفروض تقول لي عمتي ريماس..
يزيد: لا والله؟؟
ريماس: اي والله!!
يزيد: تركي تكفى اصفط على جنب خلنا نقطها..
ضحك تركي..
ريماس: ما يسويها تركي, صح تركي؟؟
تركي: لا أسويهااا..
يزيد: وووووووووووووه!! الحقي خشمك!! هعععععععع
ريماس: الشره مو عليك علي أنا اللي راكبة سيارتك.. (وبوزت..)
تركي: ريماس شفيك زعلتي؟؟
ريماس بزعل: اي..
يزيد: أحسن!! ههههههههه
تركي لف عليه وبهمس: وجععع!! (وعلى صوته..) ريماس خلاص بلا زعل, عشانك اذا تبيني امر باسكن امر, تبين؟؟
ريماس بوناسة: اي اي..
تركي: خلاص طيب ولا يهمك..
ريماس: فديته يا ناس, أنا من زمان أقولهم تركي خوش ولد ما يصدقوني..
تركي "أنا اللي فديتها يا ناس "استوعب تركي" فديتها كزميلة بالجامعه بس.. اي بس بالجامعه": منو اللي ما صدقوك؟؟
ريماس: ناس الله يستر علينا وعليهم..
تركي: آهااااا زين (وضحك..)
.
.
.
.
.
.
.
في سيارة وليد..
وليد: غريبة وين سيارة تركي ما أشوفها ورانا..
كادي: يمكن في احد يبي الحمام الله يكرمك..
سيف: ولا راحوا يعبون بانزين..
وليد جته رساله فتحه وبعد ثواني: الا سيفوه شخبار ملاك؟؟
سيف: الحمدلله.. ما عليها.. تسلم عليكم..
وليد: لا الله يسلمها..
كادي: ماشاءلله العالم كلهم يدرون عنها..
سيف يلف عليها ويضحك: ياختي الحب فضيحه.. ههههههه
ضحكت كادي..
شهد: آآآآه من ملاك؟؟
كادي: الاحم احم حقة سيف..
شهد لفت عليه: هااااا سيوف من ورانا..
سيف: من متى أعرفكم عشان من وراكم..
شهد تفشلت: سيف!! لا تفشلني عند كادي ووليد انت فاهم قصدي!!
سيف: ههههههههههه أمزح..
شهد: طيب ملوك هاذي؟؟
كادي: تمونين ملوك..
شهد: شفيك أنا وياها كنا أصحاب طفولة أصلاً..
سيف: آهاااااااااااا.. ما شاءلله انشالله دوم..
شهد: لا جد مين ملاك هاذي؟؟ قولولي السالفه من طأطأ للسلام عليكم..
سيف: سالفه طويله..
شهد: اي عادي شورانا دامنا فاضين..
كادي: خلاص شهودة أقولك في البيت..
شهد: وانتي شدراك؟؟
كادي بفخر: قالي أولى بالجسر..
شهد: طيب أكيييييييييد تقولين لي؟؟
كادي: اي أكيد ولا يهمك..
شهد: أحسن عشان نفصفص عليه اليوم الليل..
كلهم ضحكوا على هبال شهد: هههههههههههه..
.
.
.
.
.
.
.
لما وصلوا لباسكن.. تركي: ايوا ست ريماس شتبين؟؟
ريماس: اممممممممم.. ابي ميلك شيك..
تركي: الحين جايبتنا باسكن آخر شي ميلك شيك..
ريماس: كيفي..
تركي يضحك: صح كيفك.. وانتي جوجو شتبين؟؟
جوري: هااااااااه؟؟
ريماس: شتبين من باسكن بسرعه بينزل؟؟
جوري: ايه ابي.. ابي تشوكلت آيس كريم..
تركي: طيب..
جوري: مع مكسرات طيب؟؟
تركي: انشالله من عنوني.. (لف على يزيد..) وانت؟؟
يزيد: ابنزل معاك..
تركي: طيب (ولف على البنات..) قفلوا الباب طيب؟؟
ريماس تهز راسها: انشالله..
بعد ما طلعوا ريماس قفلت الباب.. ولفت على جوري: جوارة شفيك؟؟ مو على بعضك.. اليوم الصبح شحلاتك؟؟ كل هذا عشان عموور رااح؟؟ خلاص ولا يهمك الحين اقول لتركي يدق عليه ويخليه يجينا الملاهي..
جوري بزعل: انا السبب اللي خلاه يروح الشقة.. يعني شدعوى بيجي اذا قاله تريك..
ريماس: جوجو شوي شوي قولي لي السالفه من البداية..
قالت لها جوري السالفة وبدت تدمع:أنا غبية مسوية نفسي كاشفته وهو مو قصده شي.. انتي ما شفته وجهه لما قلت له الكلام حسيت وجهه منصفق كأنه يقول شلون تفكرين فيني هالتفكير.. والله اني ( بصياح.. وتطق راسها بيدها..) غبيه غبيه غبيه..
ريماس تضمها: بس جوجو بس.. خلاص خلي سالفتكم علي أنا بحلها..
جوري تطالعها: شنو بتسوين؟؟
ريماس: خلاص قلت لك سالفتكم خليها علي..
جوري: لا ريماس ولي يعافيك.. خليك برا السالفه لا تزيدينها..
ريماس بخزة:وجععع!! شقصدك انا اخربها؟؟ هذا جزاي؟؟
جوري تضحك: لا أمزح بس تكفين لا تخربينها علي..
ريماس: ولا يهمك أنا بتصرف.. يلا شوفي تركي جا امسحي دموعك.. وبعدين سولفي وخليك عادي.. ترا كلهم ملاحظين عليك.. يحسبون انك زعلانة عشان عمر راح وميته عليه..
جوري وهي تمسح دموعها:أمانة.. ملاحظين.. طيب هذاني مسحت دموعي..
ريماس فكت الباب ودخلوا العيال.. تركي: هذا ميلك شيك للست ريماس..
ريماس: سانكيو..
تركي: يور ويلكم.. وهذا تشوكلت آيس كريم مع مكسرات لجوجو..
جوري: شكراً..
تركي: العفوو ولوو.. وهذا ميلك شيك لعمكم تركي.. خذ حقك يزود..
يزيد: هات..
ريماس: ما شاءلله عليك..
تركي لف عليها: شفيك؟؟
ريماس: الحين ليش تهاوشني اذا انت بتجيب ميلك شيك..
تركي يطالع قدامه: اذا تبين الصراحه انا ما كنت ابي ميلك شيك بس لما انتي طلبتي قلت خلني انا اطلب بعد..
ريماس بضحكة:يعني؟؟
تركي يهز راسه بابتسامة حلوة: اي يعني..
ريماس بابتسامة: طيب..
.
.
.
.
.
.
وصلت سيارة وليد للملاهي.. لما نزلوا وقفوا عند البوابه..وليد: وينهم هذولا؟؟ تأخروا..
سيف: دق عليهم..
طلع جواله وليد وبعد رنتين: ألووووو..
تركي: ألو هلا وليد..
وليد: وينكم حنا واقفين عند باب الملاهي..
تركي: حنا قريب منكم 5 دقايق ونوصل..
وليد: أوكي طيب يلا لا تتأخرون..
تركي: أوكي باي..
شهد: وينهم؟
وليد: يقول 5 دقايق ويوصل ..
شهد: آهاااااااا.. طيب أنا بروح الحمام شلون؟؟
وليد: شوفي هناك في الزاوية في حمام..
شهد: أوكي كدووي تجين معاي..
كادي: لا أنا بنتظرك هنا..
شهد: طيب.. باي (وراحت..)
.
.
.
.
بعد دقائق تقابلوا المجموعتين عند الباب..
وليد: يلا ندخل..
سيف: يلا..
لما وصلوا عند شباك التذاكر..وليد يعدهم: 7 تذاكر لو سمحت (( ودفع لهم ودخل.. ))..
الملاهي هذي كانت من أكبر الملاهيات الموجودة في العالم..
وسيلة التقل فيها سيارة الغولف الصغيرة والباصات الصغيرة واللي رايق ويبي يتمشى في خيل..
ريماس تتلفت وهي تتفرج على الملاهي وبحماس لفت عليهم وقالت: من وين نبدا ؟؟
كادي:امممممم خلنا نبدا من هذيك اللعبة.. ( أشرت على لعبة قطار الموت.. )..
جوري تحاول تدخل جو معاهم: اي اي ايييييي
تركي: يلا خلنا نروح..
راحوا كلهم ولما وصلوا عند اللعبة طلع مايركب الا 6 أشخاص بس.. وليد قال بيروح يجيب ماي والباقي بيلعبون وخلوا جوالاتهم وابواكهم مع وليد..
جوري وكادي وريماس وتركي ويزيد وسيف هم اللي ركبوا اللعبة..
وكانت اللعبة ان كل 2 جمب بعض..
جوري وكادي قعدوا جمب بعض..
وسيف ويزيد جمب بعض..
بقى تركي ريماس واضطروا يقعدون جمب بعض..
وتركي كان يبيها من الله وعن عمد تأخر عشان يقعد جمب ريماس..
أما ريماس كان عادي عندها..
لما بدت اللعبة البنات طول الوقت يصارخون ولما جو عند الدائرة بحيث انهم ينقلبون يعني راسهم تحت ورجولهم فوق.. العيال كانوا يصارخون من الحماس أما البنات من الخوف..
ريماس كانت طول اللعبه مغمضة عيونها من الخوف وبنص اللعبة فتحت عينها وعلى حظها فتحتها وكانوا الحين بيقلبون رجعت سكرتها وصرخت بصوت عالي وبعفوية مسكت يد تركي..
تركي حس ان الدم ضخ بجسمه وصار يمشي بقوة فشرايينه ولف عليها جمبه لقاها مغمضة عيونها وطالعها وهو سرحان بعدين قلبوا وريماس شدت مسكتها عليه وكل ما شدت أكثر تركي يحس
أن الدم يضخ مرة ثانية كل مرة أقوى من المرة اللي قبلها..
.
.
.
.
.
.
.
عند وليد يده كانت مليانة أغراضهم وجوالاتهم..
وهو ماسك الأغراض بيده الثنتين وحدة من الجوالات دقت..
كمل طريقه وقال لو شي مهم راح يرجع يدق مرة..
بعد ثواني دق جوال ثاني..
ونفس الشي ما رد وليد ولا وقف يشوف منو..
لما دق 3 جوال وقف عند كرسي وشاف منو اللي يرن لقى شهودة..
وليد طق راسه بيده: أوووووووف نسينا شهد.. (ورد عليها..) ألوووو..
شهد بعصبية: احلفوااااااا وين رحتوا عني؟؟
وليد: ألووو هلا شهد..
شهد تفشلت وشكت منو اللي رد عليها بعدين تذكرت بحة وليد: هلا وليد.. وين رحتوا؟؟
وليد: حنا دخلنا داخل.. الشباب والبنات راحوا يلعبون وخلوا أغراضهم وجوالاتهم عندي..
شهد: يعني شنو بتخلوني برا؟؟
وليد: لا انتي ادخلي داخل.. وأنا بجيك الحين..
شهد: ما عندي فلوس.. أصلاً ما جبت الا جوالي حتى شنطة ما جبت..
وليد: وليييييييييه ؟؟ طيب يلا مسافة الطريق وجايك..
شهد: وليد يعني كم باقيلك؟؟
وليد: يا ماما 10 دقايق وأنا عندك..
شهد: طيب بسرعه لا تتأخر..
وليد: أوكي.. باي (وسكر..)..
شهد لما سكرت التلفون..
راحت تقعد على الرصيف..
شوي ولا يجيها صوت من ورا..
.........: احم السلام عليكم..
لفت شهد على الصوت وابتسمت: وعليكم السلام يا هلا..
.........: من السعودية؟؟
وقفت شهد لما شافته قرب وابتسمت: اي نعم.. وانت؟؟
.........: اي نعم من السعودية.. والله حنا كل ما نشوف احد من بلدنا يفز قلبنا..
ضحكت شهد: مو بس انتوا حتى حنا.. جايين دراسه انتوا؟؟
.........: اي والله.. وانتوا ؟؟
شهد: ايوا جايين دراسه..
صوت من ورا: شهد!!
لفت شهد عليه بعدين رجعت تطالع الولد..: يلا فرصة سعيدة أخ..؟؟
.........: فيصل.. احنا الأسعد أخت شهد..
وراحت عند وليد..
وليد دفع لها ودخل وهي دخلت وراه..
بعدين لف عليها وليد: منو هذا تعرفينه؟؟
شهد باستهبال: اي يا حليله هذا فيصل.. خوش ولد.. متربين مع بعض..
وليد يهز راسه: آهاااااااااا.. وجاي دراسه هنا؟؟
شهد: اي جاي هو وربعه..
وليد: آهااااااااااااااا.. طيب يلا خلينا نلحق عليهم ترا ولا واحد فيهم عنده جوال ولا فلوس والمسافة بينا وبينهم 10 دقائق تقريباً..
شهد: ؤلا.. طيب يلا سباق 1 2 3.. (وركضت..)
وليد ما استوعب للحين: شهد لحظة..( بعدين قعد يضحك عليها شلون وحدة بالجامعه ومتحجبة تركض عند الناس..).. (ولحقها يركض..)..
.
.
.
.
.
.
عند اللعبة..
أول ما وقفت اللعبة نزلوا كلهم وقعدوا يطالعون بوجيه بعض ووجوهم مصفوقه كأن أحد كاب عليها ماي بارد..
بعدين ابتسمت ريماس وابتسم تركي وابتسمت كادي وابتسمت جوري وسيف ويزيد ابتسموا.. بعدين كلهم قعدوا على الأرض وقعدوا يضحكون بجنون..
سيف وهو ميت ضحك: هههههههههه ما شفتوا ههههههههه وجه يزيد هههههههه عند الدوار هههههههههه تحفة هههههه ( يقلده..) آآآآآآآآآآآ...
كلهم ماتوا ضحك عليه..
كادي: هههههههههههه ولا جوري هههههههه (وتقلدها...)..
تركي يبي يدخل جو معاهم وكأنه عادي وقصده يفشل ريماس: هههههههههههه ولا ريماس هههههههههه سببت لي رضوض ههههههههههه ما عاد أحس بيدي..
(سكتوا كلهم ولفوا عليها وريماس تفشلت ومدت لسانها بسرعه ودخلته..) ..
كلهم: هههههههههههههههههههههه
بعد دقائق من الضحك.. هدوا..
سيف يتنهد: آآآآآآآآآه يلا امشوا عند وليد تلقونه مل..
الكل: ايه يلا..
.
.
.
.
.
.
وليد كان يركض وبعد ما تعب صار يمشي مشي سريع..
وليد "أوف وين راحت هاذي؟؟ يا ليل.. يالله تعبت.. " : شهد!!! شااااااااااهااااااااااااد !!
من وراه بالضبط بصوت عالي: نااااااعاااااااام!!
وليد نقز من الخرعه: آآآآآآآآآآآآآ !!!! يا سخيفة !!
شهد ماتت ضحك على شكله: ههههههههههههههههه
وليد ابتسم ابتسامة خفيفه عليها وخلى نفسه جدي: ما في شي يضحك!!
شهد:هههههههههه الا في هههههههههه انت ماشفت شكلك (وتقلده..) آآآآآآآآآآآآ !!!
ضحك وليد على تقليدها له: هههههههههههههه أما عاد أنا كذا!!
شهد: هههههههههه وربي!!
وليد: هههههههههههه أجل من عذرك تفطسين ههههههههه
شهد: هههههههههههههههههه
وليد هدا شوي: طيب بسرعه يلا تأخرنا..
شهد قامت تتلفت: اممممممممممم..
شوي ولا مرت من عندهم سيارة غولف صغيره.. فجأة نطت شهد قدامها.. : stoooooooooop !!
وقفت السيارة..
شهد : we really need a ride !! ( نحتاج توصيلة ضروري .. )
السايق: ok hop in!! ( طيب انقزوا ورا بسرعه.. )
شهد: يلا ولييييييييد!!
وليد بنفسه" ما شاء ما تتعطل.." : هههههههههههه
شهد: لما جت بتركب جمب السايق.. وليد بنبرة حادة: شهد!!!
شهد لفت عليه ورفعت حاجب:.. نعم ؟؟
وليد: وين راكبه قدام؟؟ عيب!!
شهد: لا والله؟؟!! شفيييييييك هذا أخوي من بعيد..
وليد: قولي قسم.. أقووووووووول وراااا!!
شهد مدت لسانها عليه وركبت ورا..
.
.
.
.
.
سيف: وين وليد ما أشوفه؟؟
يزيد: مدري والله بس هو قال بيجيب ماي ويجي يمكن ضيعنا..
سيف: والله وهقه الحين محد فينا معاه جوال ولا فلوس.. صح؟؟
كلهم: اي..
سيف: طيب خلونا نقعد عند هذيك الكراسي على ما يجي..
كلهم: طيب يلا..
.
.
.
.
.
وليد وشهد كانوا في سيارة الغولف وباقي لهم أقل من دقيقتين ويوصلون بالسيارة..
لما فجأة من اللفة طلع لهم الباص الصغير وصقع سيارة الغولف الصغيرة من قدام وانقلبت السيارة مرة مرتين وبعدين وقفت..
وليد طاح على الأرض وبعد ثواني قام: آآآآآآآآآآح..
سايق السيارة: i'm very very sorry!! i didn't see the mini van!! ( آسف.. بس والله ما شفت الباص الصغيرون.. )
وليد: it's ok.. it's just an accident and the important thing is nobody is hurt!! ( حصل خير.. حادث بسيط انشالله وأهم شي أن محد تأذى!! )
وليد تلفت يدور على شهد.. لقاها مرمية على الأرض تخرع وراح لها: شااااااهاااااااد !!!!!
كانت السيارة فوق رجل شهد اليمنى والثقل كله عليه..
وليد صرخ عند راسها: شااااااهاااااااااد!!
.
.
.
.
.
.
.
شنو صار فـشهد ؟؟
هل بدا تركي يميل لريماس؟؟
ومنوو فيصل اللي قابلته شهد عند البوابه وهل له مواقف ثانية في القصه؟؟
موضوع: رواية ليل المحبين 
الجمعة يناير 15, 2010 2:48 am
